ജില്ലയിലെ 30 വാര്‍ഡുകള്‍ കൂടി കണ്ടെയിന്‍മെന്റ് സോണില്‍

0 668

ജില്ലയിലെ 30 വാര്‍ഡുകള്‍ കൂടി കണ്ടെയിന്‍മെന്റ് സോണില്‍

ജില്ലയില്‍ പുതുതായി കൊവിഡ് പോസിറ്റീവ് കേസുകള്‍ റിപ്പോര്‍ട്ട് ചെയ്യപ്പെട്ട 30 തദ്ദേശ സ്ഥാപന വാര്‍ഡുകള്‍ കൂടി കണ്ടെയിന്‍മെന്റ് സോണുകളായി ജില്ലാ കലക്ടര്‍ ടി വി സുഭാഷ് പ്രഖ്യാപിച്ചു. ഇവയില്‍ സമ്പര്‍ക്കം വഴി രോഗബാധയുണ്ടായ പായം 9,10,11, ചെമ്പിലോട് 5, പാപ്പിനിശ്ശേരി 16, കണ്ണൂര്‍ കോര്‍പ്പറേഷന്‍ 8, കണ്ണപുരം 1, വേങ്ങാട് 9,20, ചെറുതാഴം 5, പയ്യന്നൂര്‍ നഗരസഭ19, ചപ്പാരപ്പടവ് 7, മാങ്ങാട്ടിടം 13,14, തലശ്ശേരി നഗരസഭ 46, പേരാവൂര്‍ 8, മുഴക്കുന്ന് 6, 8, കൊട്ടിയൂര്‍ 9, ധര്‍മ്മടം 3,16,17, പിണറായി 4,11  നാറാത്ത് 2,  എരമം കുറ്റൂര്‍ 5, കണിച്ചാര്‍ 9,10 എന്നീ വാര്‍ഡുകള്‍ പൂര്‍ണമായി അടച്ചിടും.
അതോടൊപ്പം, പുറമെ നിന്നെത്തിയവരില്‍ രോഗബാധ കണ്ടെത്തിയ മട്ടന്നൂര്‍ നഗരസഭ 5, പയ്യന്നൂര്‍ നഗരസഭ  36 എന്നീ വാര്‍ഡുകളില്‍ രോഗികളുടെ വീട് കേന്ദ്രമാക്കി 100 മീറ്റര്‍ ചുറ്റളവില്‍ വരുന്ന പ്രദേശങ്ങള്‍ കണ്ടെയിന്‍മെന്റ് സോണുകളാക്കും.
നേരത്തേ കണ്ടെയിന്‍മെന്റ് സോണില്‍ ഉള്‍പ്പെട്ട  പെരളശ്ശേരി 5, ചെമ്പിലോട് 1,11, കണ്ണൂര്‍ കോര്‍പ്പറേഷന്‍ 15, തളിപ്പറമ്പ് നഗരസഭ 3,16,18,20,22,23,24,25,29,30,32, ആറളം 8,17 മട്ടന്നൂര്‍ നഗരസഭ 34, ഇരിട്ടി നഗരസഭ 33, കൂടാളി 16, ന്യൂമാഹി 10,11 എന്നീ വാര്‍ഡുകളെ നിയന്ത്രണങ്ങളില്‍ നിന്ന് ഒഴിവാക്കി.