ആറളം(കണ്ണൂര്‍): ആറളം ഫാമില്‍ നാലംഗ സായുധ മാവോവാദി സംഘം എത്തി. തിങ്കളാഴ്ച രാത്രി ഫാമിലെ ആദിവാസി പുനരധിവാസ മേഖലയായ 13ാം ബ്ലോക്കിലാണ് പ്രദേശവാസികള്‍ ഇവരെ കണ്ടത്. തോക്കേന്തിയ സംഘത്തില്‍ രണ്ട് സ്ത്രീകളും ഉണ്ടായിരുന്നു. പൊലീസും രഹസ്യാന്വേഷണ വിഭാഗവും അന്വേഷണം ഊര്‍ജിതമാക്കി. ഇതിനുമുമ്ബും നിരവധി തവണ ആറളം ഫാമില്‍ മാവോവാദികള്‍ എത്തിയിരുന്നു.
ജനുവരി 20ന് കൊട്ടിയൂര്‍ അമ്ബായത്തോട്ടില്‍ മാവോവാദികള്‍ സായുധപ്രകടനം നടത്തിയിരുന്നു. രാവിലെ ആറുമണിയോടെ ടൗണിലെത്തിയ സംഘം മുദ്രാവാക്യം വിളിച്ച്‌ പോസ്റ്ററുകള്‍ പതിക്കുകയും ലഘുലേഖകള്‍ വിതരണംചെയ്യുകയുമായിരുന്നു. ഒരു സ്ത്രീയുള്‍പ്പെടെ യൂനിഫോമണിഞ്ഞ നാല് ആയുധധാരികളാണ് അന്ന് സംഘത്തിലുണ്ടായിരുന്നത്.