ചൈനയില്‍ നിന്ന്​ 6,50000 കോവിഡ്​ പരിശോധനാ കിറ്റുകള്‍ ഇന്ന്​ ഇന്ത്യയിലെത്തും

0 286

ചൈനയില്‍ നിന്ന്​ 6,50000 കോവിഡ്​ പരിശോധനാ കിറ്റുകള്‍ ഇന്ന്​ ഇന്ത്യയിലെത്തും

 

ന്യൂഡല്‍ഹി: രാജ്യത്തെ കോവിഡ് വ്യാപനം തടയുന്നതിനും നിയന്ത്രിക്കുന്നതിനുമായി ചൈനയില്‍ നിന്നും 6,50000 കോവിഡ്​ പരിശോധനാ കിറ്റുകള്‍ ഇറക്കുമതി ചെയ്യുന്നു. ചൈനയില്‍ നിന്നും 550,000 ആന്‍റിബോഡി ടെസ്റ്റിംഗ് കിറ്റുകളും 100,000 ആര്‍‌.എന്‍‌.എ എക്സ്ട്രാക്ഷന്‍ കിറ്റുകളും വ്യാഴാഴ്ച രാവിലെ ഇന്ത്യയിലേക്ക് അയച്ചതായാണ്​ റിപ്പോര്‍ട്ട്​.

 

മെഡിക്കല്‍ സപ്ലൈകള്‍ക്കും സുരക്ഷ ഉപകരണങ്ങള്‍ക്കുമായി ചൈനീസ് സ്ഥാപനങ്ങള്‍ക്ക്​ ഇന്ത്യ നല്‍കിയ ഓര്‍ഡറി​​െന്‍റ ഭാഗമായാണ്​ കോവിഡ്​ ടെസ്​റ്റ്​ കിറ്റുകളും ഇന്നെത്തുക. വിദേശകാര്യ മന്ത്രാലയത്തി​​െന്‍റ ശ്രമങ്ങളുടെ ഭാഗമായാണ്​ ചൈനയില്‍ നിന്നും മെഡിക്കല്‍ ഉപകരണങ്ങള്‍ ഇറക്കുമതി ചെയ്യാന്‍ ധാരണയിലെത്തിയത്​. ഗ്വാങ്‌ഷ്വേ വോണ്ട്ഫോയില്‍ നിന്നും 300,000 റാപ്പിഡ്​ ആന്‍റിബോഡി ടെസ്റ്റിംഗ് കിറ്റുകളും സുഹായ് ലിവ്‌സോണില്‍ നിന്ന് 250,000 കിറ്റും ഷെന്‍‌ഷെനില്‍ നിന്ന് 100,000 ആര്‍.എന്‍.എ എക്സ്ട്രാക്ഷന്‍ കിറ്റുകളുമാണ്​ ബുധനാഴ്ച രാത്രി വിമാനത്തില്‍ കയറ്റിയത്​​. ഇത്​ ഇന്ന്​ ഇന്ത്യയിലെത്തുമെന്ന്​ മന്ത്രാലയം അധികൃതര്‍ അറിയിച്ചു.

 

ബെയ്​ജിങ്ങിലെ ഇന്ത്യന്‍ എംബസിയും ഗ്വാങ്‌ഷ്വേയിലെ കോണ്‍സുലേറ്റും മെഡിക്കല്‍ ഉപകരണങ്ങള്‍ അയക്കുന്നതില്‍ പങ്ക് വഹിച്ചിട്ടുണ്ട്​. കോവിഡ് -19 അനുബന്ധ മെഡിക്കല്‍ ഉപകരണങ്ങള്‍ ഇന്ത്യ ഇറക്കുമതി ചെയ്യുന്നത് സുഗമമാക്കുന്നതും മരുന്ന് ഉല്‍പാദന വിതരണ ശൃംഖല തുറന്നിടുന്നതും ചൈനയുമായുള്ള ഉഭയകക്ഷി ബന്ധം ഊഷ്​മളമാക്കുമെന്ന്​ ചൈനയിലെ ഇന്ത്യന്‍ അംബാസിഡര്‍ വിക്രം മിശ്ര അഭിപ്രായപ്പെട്ടിരുന്നു.

 

ഗൗണുകള്‍, കയ്യുറകള്‍, മാസ്കുകള്‍, ഗോഗിളുകള്‍ എന്നിവ അടങ്ങിയ 15 ദശലക്ഷം പേഴ്‌സണല്‍ പ്രൊട്ടക്റ്റീവ് ഉപകരണ (പി.പി.ഇ) കിറ്റുകളും 1.5 ദശലക്ഷം ദ്രുത പരിശോധന കിറ്റുകളും വാങ്ങുന്നതിന്​ ഇന്ത്യ ചൈനീസ് കമ്ബനികള്‍ക്ക് കരാര്‍ നല്‍കിയിട്ടുണ്ട്.

 

ചൈനീസ് കമ്ബനികളില്‍ നിന്ന് മെഡിക്കല്‍ സുരക്ഷാ കവചങ്ങള്‍, വ​െന്‍റിലേറ്ററുകള്‍, പരിശോധനാ കിറ്റുകള്‍ എന്നിങ്ങനെ ഗുണനിലവാരമുള്ള മെഡിക്കല്‍ ഉപകരണങ്ങളുടെ കയറ്റുമതി വേഗത്തിലാക്കാന്‍ ഇന്ത്യ ചൈനയോട് ആവശ്യപ്പെട്ടിരുന്നു.