കൊറോണ, പക്ഷിപ്പനി ഭീതി; നൂറിലേറെ ഹോട്ടലുകള്‍ അടച്ചുപൂട്ടി; ഇളവുകള്‍ വേണമെന്ന് ഹോട്ടലുടമകള്‍
കൊറോണ, പക്ഷിപ്പനി ഭീതി; നൂറിലേറെ ഹോട്ടലുകള്‍ അടച്ചുപൂട്ടി; ഇളവുകള്‍ വേണമെന്ന് ഹോട്ടലുടമകള്‍
കൊറോണ, പക്ഷിപ്പനി ഭീതി; നൂറിലേറെ ഹോട്ടലുകള്‍ അടച്ചുപൂട്ടി; ഇളവുകള്‍ വേണമെന്ന് ഹോട്ടലുടമകള്‍
തൃശൂര്‍: പക്ഷിപ്പനി, കൊറോണ എന്നിവ സംബന്ധിച്ചുള്ള ഭീതിമൂലം ജില്ലയിലെ ഹോട്ടല്‍ വ്യവസായം പ്രതിസന്ധിയിലായി. ഹോട്ടലുകളില്‍ ഭക്ഷണം കഴിയ്ക്കാന്‍ ആളില്ലാത്തതാണു പ്രശ്നം. ജില്ലയില്‍ ഒരാഴ്ചയായി നൂറിലധികം ഹോട്ടലുകള്‍ താല്‍ക്കാലികമായി അടച്ചിട്ടിരിക്കുകയാണ്. പല സ്ഥാപനങ്ങളും വാടക, വൈദ്യുതി ബില്‍, വിവിധ വായ്പകള്‍, ജിഎസ്ടി, ജിഎസ്ടി റിട്ടേണ്‍ ഫയലിംഗ് ഫീസ്, ഇഎസ്‌ഐ, പിഎഫ് എന്നിങ്ങനെയുള്ള തുക അടയ്ക്കാനാകാതെ ക്ലേശിക്കുകയാണ്. ജീവനക്കാരുടെ പ്രതിദിന ശന്പളവും കൊടുക്കാന്‍ കഴിയാത്തവരുണ്ട്. കടുത്ത വ്യാപാരമാന്ദ്യമുള്ളതിനാലാണ് ഹോട്ടലുകളും കാന്‍റീനുകളും അടച്ചിട്ടത്. ഹേട്ടലുകളിലെ സമയക്രമം പുനക്രമീകരിച്ചും, പ്രവര്‍ത്തനച്ചെലവു കുറച്ചും വ്യാപാര മാന്ദ്യം നേരിടണമെന്ന് കേരള ഹോട്ടല്‍ ആന്‍ഡ് റസ്റ്റോറന്‍റ് അസോസിയേഷന്‍ നിര്‍ദ്ദേശം നല്‍കിയിട്ടുണ്ട്. സംസ്ഥാന ആരോഗ്യ വകുപ്പിന്‍റെ പ്രതിരോധ നിര്‍ദ്ദേശങ്ങളടങ്ങിയ സര്‍ക്കുലര്‍ ജില്ലയിലെ എല്ലാ ഹോട്ടലുകളിലും വിതരണം ചെയ്തു. ഹോട്ടല്‍ വ്യാപാര മേഖല നിലനില്‍ക്കണമെങ്കില്‍ ജിഎസ്ടി, ഇഎസ്‌ഐ, പിഎഫ് എന്നിവയുടെ പിഴപലിശ ഒഴിവാക്കണമെന്നും വിവിധ വായ്പകളുടെ തിരിച്ചടവിന് സാവകാശം നല്‍കണമെന്നും കേന്ദ്ര സംസ്ഥാന സര്‍ക്കാരുകളോട് കേരള ഹോട്ടല്‍ ആന്‍ഡ് റസ്റ്റോറന്‍റ് അസോസിയേഷന്‍ ആവശ്യപ്പെട്ടു
.