ചെന്നൈ: ഡിഎംകെ ജനറല്‍ സെക്രട്ടറി കെ അന്‍പഴകന്‍ അന്തരിച്ചു. ചെന്നൈ അപ്പോളോ ആശുപത്രിയിലായിരുന്നു അന്ത്യം.97 വയസ്സായിരുന്നു. ശ്വാസതടസത്തെ തുടര്‍ന്ന് ചികിത്സയിലായിരുന്ന ഇദ്ദേഹം .
43 വര്‍ഷമായി ഡി എം കെ യില്‍ പ്രവര്‍ത്തിക്കുന്ന വ്യക്തിയായിരുന്നു . എന്നാല്‍ ആരോഗ്യ സംബദ്ധമായ പ്രശ്നത്തെത്തുടര്‍ന് ഒരു വര്‍ഷത്തോളമായി സജീവ പാര്‍ട്ടിപ്രവര്‍ത്തനത്തില്‍ നിന്നും മാറിനില്‍ക്കുകയായിരുന്നു.
ഡി.എം.കെ.യുടെ സ്ഥാപകനേതാക്കളില്‍ ഒരാളായിരുന്നു അന്‍പഴകന്‍. 1977 മുതല്‍ ഡി.എം.കെ.യുടെ ജനറല്‍ സെക്രട്ടറിയായി പ്രവര്‍ത്തിക്കുന്നു . കൂടാതെ ധനമന്ത്രി, സാമൂഹിക സുരക്ഷാ മന്ത്രി, പ്രതിപക്ഷ നേതാവ് എന്നീ നിലകളിലും പ്രവര്‍ത്തിച്ചിട്ടുണ്ട് കോളേജ് അധ്യാപകനായ അന്‍പഴകന്‍.
ഇദ്ദേഹത്തിന്റെ വിയോഗത്തെത്തുടര്‍ന്ന് ഡിഎംകെ ഓഫീസുകളില്‍ ഏഴ് ദിവസത്തെ ഔദ്യോഗിക ദുഖാചരണം നടത്തുമെന്ന് ഡി എം കെ പ്രസിഡന്റ് എം .കെ സ്റ്റാലിന്‍ അറിയിച്ചു.