മടക്കി പോക്കെറ്റിൽ വയ്ക്കാം : ഡിസ്പ്ലേ മടക്കാവുന്ന ഫോണുകളുമായി സാംസങും മോട്ടോറോളയും | SAMSUNG FLIP Z AND MOTORAZER

സാംസങ് ഫ്ളിപ്  ചിത്രങ്ങളും വിഡിയോയും കാണാം

ഒരു കാലത്ത് ഫ്ലിപ് ഫോണുകളിലൂടെ തരംഗം സൃഷ്‌ടിച്ച മോട്ടറോള ഇപ്പോൾ തങ്ങളുടെ ആദ്യത്തെ ഫോൾഡബിൾ ഫോണായ മോട്ടറോള റേസർ 2019 പുറത്തിറക്കിയിരിക്കുകയാണ്.
മോട്ടോറോള ആദ്യത്തെ ഫോൾഡബിൾ ഫോണായ മോട്ടറോള റേസർ 2019 പുറത്തിറക്കി. കമ്പനിയുടെ മാസ്റ്റർപീസ് ഫ്ലിപ് ഫോണിനെയാണ് ഫോൾഡബിൾ സ്മാർട്ഫോണാക്കി അവതരിപ്പിച്ചിരിക്കുന്നത്.

രണ്ട് ഡിസ്‌പ്ലേയാണ് റേസറിനുള്ളത്. പ്രധാന ഡിസ്‌പ്ലേയ്ക്ക് 6.2 ഇഞ്ചാണ് വലിപ്പം. ആസ്പെക്ട് അനുപാതം 21:9 ആണ്. ഈ ഡിസ്പ്ലേയെ ഫ്ലക്സ് വ്യൂ ഡിസ്‌പ്ലേ എന്നാണ് മോട്ടറോള വിളിക്കുന്നത്.

ഫോൺ മടക്കി വെച്ചിരിക്കുന്ന സമയത്ത് ഉപയോക്താവിന് 2.7 ഇഞ്ചുള്ള സെക്കണ്ടറി ഡിസ്‌പ്ലേയാണ് ഉപയോഗിക്കാൻ കഴിയുക. ക്വിക്ക് വ്യൂ എന്നറിയപ്പെടുന്ന ഈ ഡിസ്പ്ലേ ഉപയോഗിച്ച് സെൽഫികളെടുക്കാനും നോട്ടിഫിക്കേഷനുകൾ കാണാനും മ്യൂസിക് പ്ലേബാക്കുകൾ നിയന്ത്രിക്കാനും കഴിയും.

സ്നാപ്ഡ്രാഗണ് 710 ചിപ്‌സെറ്റാണ് മോട്ടോറോളയുടെ ഫോൾഡബിൾ ഫോണിന് ശക്തി പകരുന്നത്. ഇപ്പോൾ വിപണിയിലുള്ളതിൽ വെച്ചു ഏറ്റവും മികച്ചതും വേഗത കൂടിയതുമായ ചിപ്‌സെറ്റാണിത്. ശ്രദ്ധിക്കേണ്ട മറ്റൊരു കാര്യം റേസർ ഇ-സിം കാർഡ് മാത്രമേ സപ്പോർട്ട് ചെയ്യുകയുള്ളൂ. 6 ജിബി റാമും 128 ജിബി സ്റ്റോറേജുമായാണ് റേസർ എത്തുന്നത്. ഈ സ്റ്റോറേജ് വികസിപ്പിക്കാൻ കഴിയും