ഐ‌എസ്‌എല്‍: കേരള ബ്ലാസ്റ്റേഴ്സ് കിബു വികുനയെ മുഖ്യ പരിശീലകനായി നിയമിച്ചു
ഇന്ത്യന്‍ സൂപ്പര്‍ ലീഗ് (ഐ‌എസ്‌എല്‍) ടീം കേരള ബ്ലാസ്റ്റേഴ്സ് ബുധനാഴ്ച മോഹന്‍ ബഗന്റെ ഐ-ലീഗ് കോച്ച്‌ കിബു വികുനയെ വരാനിരിക്കുന്ന സീസണിലെ മുഖ്യ പരിശീലകനായി നിയമിച്ചതായി പ്രഖ്യാപിച്ചു. കേരള ബ്ലാസ്റ്റേഴ്സ് എല്‍ക്കോ ഷട്ടോരിയെ പരിശീലക സ്ഥാനത്തു നിന്നും നീക്കി. ക്ലബുമായി ഒരു വര്‍ഷത്തെ കരാര്‍ അവസാനിച്ചതോടെയാണ് മാറ്റിയത്. ഐ-ലീഗ് ടീമായ മോഹന്‍ ബഗാനെ ഇത്തവണ കിരീടത്തില്‍ എത്തിച്ചത് കിബുവിന്‍റെ പരിശീലനത്തിലാണ്. കോവിഡ് -19 മൂലം ലീഗ് പകുതിയില്‍ നിര്‍ത്തുകയായിരുന്നു. നാല് റൗണ്ടുകള്‍ മാത്രം ബാക്കി നില്‍ക്കെ ഏറ്റവും കൂടുതല്‍ പോയിന്റുള്ള മോഹന്‍ ബഗാനെ ചാമ്ബ്യന്മാരായി പ്രഖ്യാപിക്കുകയായിരുന്നു.
മോഹന്‍ ബഗാന്‍ എ‌ടി‌കെയുമായി ലയിച്ച്‌ അടുത്ത സീസണ്‍ മുതല്‍ ഐ‌എസ്‌എല്ലിലേക്ക് പ്രവേശിച്ചു. എ‌ടി‌കെയെ മൂന്നാം കിരീടത്തിലേക്ക് പരിശീലിപ്പിച്ച അന്റോണിയോ ലോപ്പസ് ഹബാസുമായി എ‌ടി‌കെ-മോഹന്‍ ബഗാന്‍ യൂണിറ്റിന്റെ മുഖ്യ പരിശീലകനായി തിരഞ്ഞെടുക്കപ്പെട്ടു. വരാനിരിക്കുന്ന സീസണിലെ പ്രധാന പരിശീലകനായി കിബു വികുന ചുമതലയേല്‍ക്കുമെന്ന് പ്രഖ്യാപിച്ചതില്‍ സന്തോഷമുണ്ടെന്ന് കേരള ബ്ലാസ്റ്റേഴ്സ് ട്വീറ്റില്‍ പറഞ്ഞു.