ജൽ ജീവൻ മിഷൻ ഐ.എസ്.എ ജീവൻ ജ്യോതിയുടെ ആഭിമുഖ്യത്തിൽ പായം ഗ്രാമപഞ്ചായത്തിൽ ലോക പരിസ്ഥിതി ദിനാചരണം നടത്തി

പായം: പായം ഗ്രാമപഞ്ചായത്തിൽ ജൽ ജീവൻ മിഷൻ ഐ.എസ്.എ ജീവൻ ജ്യോതിയുടെ ആഭിമുഖ്യത്തിൽ പരിസ്ഥിതി ദിനാചരണം നടത്തി. ദിനാചരണത്തോടനുബന്ധിച്ച് ഗ്രാമപഞ്ചായത്തിൽ ഫല വൃക്ഷത്തൈകൾ നട്ടു. പായം ഗ്രാമപഞ്ചായത്ത് പ്രസിഡന്റ് പി. രജനി ഉദ്ഘാടനം നിർവഹിച്ചു. വൈസ് പ്രസിഡന്റ്‌ അഡ്വ. വിനോദ് കുമാർ അധ്യക്ഷത വഹിച്ചു. ജൽ ജീവൻ മിഷൻ ടീം ലീഡർ ടി പി മനു ഫ്രാൻസിസ് പരിസ്ഥിതി സംരക്ഷണ സന്ദേശം നൽകി. ജൽ ജീവൻ മിഷൻ ടീം ലീഡർ ശ്യാമിലി ശശി, ബ്ലോക്ക്‌ പഞ്ചായത്ത്‌ മെമ്പർ പത്മാവതി, സ്റ്റാൻഡിങ് കമ്മിറ്റി അംഗങ്ങൾ പ്രമീള, ജെസ്സി, മുജീബ് കുഞ്ഞിക്കണ്ടി എന്നിവർ സംസാരിച്ചു. വാർഡ് മെമ്പർമാർ, സി ഡി എസ് ചെയർപേഴ്സൺ, സി ഡി എസ് മെമ്പർമാർ എന്നിവർ പരിപാടിയിൽ പങ്കെടുത്തു.