കമലിനെതിരേ അന്വേഷണം ആവശ്യപ്പെടാന്‍ മഞ്ജുവാര്യര്‍ക്ക് സാധിക്കുമോ.?? വെല്ലുവിളിയുമായി സന്ദീപ്.ജി.വാര്യര്‍ !!
കമലിനെതിരേ അന്വേഷണം ആവശ്യപ്പെടാന്‍ മഞ്ജുവാര്യര്‍ക്ക് സാധിക്കുമോ.?? വെല്ലുവിളിയുമായി സന്ദീപ്.ജി.വാര്യര്‍ !!
ചലച്ചിത്ര പ്രവര്‍ത്തകന്‍ കമലിനെതിരെ ഉണ്ടായ ലൈംഗിക ആരോപണം വലിയ വിവാദമായ സാഹചര്യത്തില്‍. നടി മഞ്ജുവാര്യര്‍ക്ക് വെല്ലുവിളിയുമായി ബിജെപി സംസ്ഥാന വക്താവ് സന്ദീപ് ജി. വാര്യര്‍ രംഗത്തെത്തിയിരിക്കുകയാണ്. വലിയ രീതിയില്‍ ചര്‍ച്ച ചെയ്യപ്പെട്ട വിവാദ വിഷയത്തില്‍ മേല്‍ ഒരു പ്രമുഖ വ്യക്തികളും തങ്ങളുടെ പ്രതികരണം അറിയാത്തതാണ് സന്ദീപ് ജി. വാര്യരെക്കൊണ്ട് ഇത്തരത്തിലൊരു പ്രതികരണവുമായി രംഗത്തെത്താന്‍ സാഹചര്യമൊരുക്കിയത്. സ്ത്രീകള്‍ നേരിടുന്ന അതിക്രമങ്ങള്‍ക്കെതിരെ പോരാടുന്ന സിനിമാ പ്രവര്‍ത്തകരെ പരോക്ഷമായി സന്ദീപ് വിമര്‍ശിക്കുന്നുമുണ്ട്. അദ്ദേഹം ഫേസ്ബുക്കില്‍ പങ്കുവെച്ച കുറുപ്പിന്റെ പൂര്‍ണ്ണരൂപം ഇങ്ങനെ; “പ്രിയ മഞ്ജുവാര്യര്‍, മഞ്ജുവിന്റെ സിനിമ ഗുരുവും കേരള സംസ്ഥാന ചലച്ചിത്ര അക്കാദമിയുടെ ചെയര്‍മാനുമായ സംവിധായകന്‍ കമലിനെതിരെ ലൈംഗിക പീഡനാരോപണം ഉയര്‍ന്നിട്ട് ഒരു ദിവസം കഴിഞ്ഞു.”ഈ വിഷയം നേരത്തെ സെറ്റില്‍ ചെയ്തതാണ് ” എന്നാണത്രേ കമല്‍ ഇത് സംബന്ധിച്ച്‌ അന്വേഷിച്ച മാധ്യമപ്രവര്‍ത്തകനെ അറിയിച്ചത്. ഒരു പെണ്‍കുട്ടിയെ ബലാത്സംഗം ചെയ്തു എന്ന ആരോപണം സെറ്റില്‍ ചെയ്തെങ്കില്‍ യഥാര്‍ത്ഥത്തില്‍ അത്തരമൊരു സംഭവം നടന്നതായി അല്ലേ നമ്മള്‍ മനസ്സിലാക്കേണ്ടത്? അതല്ല വ്യാജ ആരോപണം ആയിരുന്നെങ്കില്‍ എന്തുകൊണ്ട് കമലിനെ പോലെ ഉന്നത തലങ്ങളില്‍ പിടിയുള്ള ഒരാള്‍ പോലീസിനെ സമീപിച്ചില്ല?. ”
“..പിണറായി വിജയനെ പോലെ ഇത്രമേല്‍ കരുതലുള്ള ഒരു മനുഷ്യന്‍ മുഖ്യമന്ത്രിയായിരിക്കുമ്ബോള്‍ കമലിനോട് അനീതി ചെയ്യുമോ? അപ്പോള്‍ സെറ്റില്‍ ചെയ്യുന്നതാണ് ബുദ്ധി എന്ന് കമലിന് തോന്നിയിരിക്കണം. ബലാത്സംഗ കേസ് എങ്ങനെ സെറ്റില്‍ ചെയ്തു എന്നുകൂടി അന്വേഷിക്കേണ്ടേ ? പണമിടപാട് ആയിരുന്നെങ്കില്‍ എത്ര പണമാണ് നല്‍കിയത്? ആ പണത്തിന് സോഴ്സ് എന്തായിരുന്നു എന്നൊക്കെ അന്വേഷിക്കേണ്ടേ ? മഞ്ജു വാര്യരും വുമണ്‍ ഇന്‍ സിനിമ കളക്ടീവും തുടങ്ങിവച്ച മലയാള സിനിമയിലെ ശുദ്ധീകരണ പ്രക്രിയയെ പ്രത്യാശയോടെ കണ്ടിരുന്ന നിരവധി ആളുകള്‍ക്ക് വലിയ നിരാശയാണ് നിങ്ങളുടെ മൗനം സമ്മാനിക്കുന്നത്. സിനിമാമോഹവുമായി നടക്കുന്ന പെണ്‍കുട്ടികളെ ലൈംഗികമായി ദുരുപയോഗിക്കുന്ന കാസ്റ്റിംഗ് കൗച്ച്‌ സമ്ബ്രദായത്തിനെതിരെ പ്രതികരിക്കാന്‍ മഞ്ജുവാര്യര്‍ തയ്യാറാകുമോ? കമലിനെ എതിരേ അന്വേഷണം ആവശ്യപ്പെടാന്‍ മഞ്ജുവാര്യര്‍ക്ക് സാധിക്കുമോ?.”
“..വുമണ്‍ ഇന്‍ സിനിമ കളക്ടീവ് പുലര്‍ത്തുന്ന മൗനവും എത്രമാത്രം അശ്ലീലകരമാണ്. വുമണ്‍ ഇന്‍ സിനിമ കളക്ടീവ് അല്ല വുമണ്‍ ഇന്‍ സിനിമ സെലക്ടീവ് ആണ് എന്ന് പറയേണ്ടിവരും.
മഞ്ജു അഭിനയിച്ച ഒരു സിനിമയും ആരോപണ വിധേയമായിട്ടുണ്ടല്ലോ. അതുകൊണ്ട് മൗനം ശരിയല്ല. മഞ്ജുവിനെ പോലെ കഴിവുള്ള ഒരുപാട് പെണ്‍കുട്ടികള്‍ ഇനിയും മലയാള സിനിമയില്‍ വളര്‍ന്നു വരേണ്ടതുണ്ട്. അതുകൊണ്ടുതന്നെ ഇത്തരം സംഭവങ്ങള്‍ ഇനി ഒരിക്കലും ആവര്‍ത്തിക്കാതിരിക്കാനുള്ള ജാഗ്രതയും കരുതലുമാണ് വേണ്ടത്. മഞ്ജുവാര്യരുടെ ഇക്കാര്യത്തിലുള്ള പ്രതികരണം സാംസ്കാരിക കേരളം തേടുന്നു. വിശ്വസ്തതയോടെ
സന്ദീപ്.ജി.വാര്യര്‍ ബിജെപി സംസ്ഥാന വക്താവ്.. “