കൊന്നക്കാട്: അവഗണനയുടെ നേർ ചിത്രമായി കൊന്നക്കാട് കെ എസ് ഇ ബി സബ് എഞ്ചിനീയർ ഓഫീസ്. വളരെ പ്രതീക്ഷയോടെ കഴിഞ്ഞ യു ഡി എഫ് സർക്കാരിന്റെ കാലത്ത് പ്രവർത്തനം ആരംഭിച്ച കെ എസ് ഇ ബി സബ് എഞ്ചിനീയർ ഓഫീസ് പുതിയ പോസ്റ്റിങ് നടത്താത്തതാണ് നിലവിലെ പ്രധാന പ്രശ്‌നം.ആവശ്യമായ ജീവനക്കാരില്ലാത്തതിനാൽ നിലവിൽ ഉള്ള ജീവനക്കാർക്കും ജോലി ഭാരമേറുകയാണ്.
കോവിഡിന്റെ മറവിൽ നിർത്തി വെച്ച ഇലക്ട്രിസി ബിൽ കളകഷൻ ഇതുവരെ പുനരാരംഭിച്ചിട്ടില്ല. ഇത് മൂലം അധിക ചാർജ് നൽകി കറന്റ്‌ ബിൽ അടക്കേണ്ട സാഹചര്യമാണ് നിലനിൽക്കുന്നത്. മലയോരത്തോടും കർഷകരോടുമുള്ള സർക്കാരിന്റെ അവഗണന പ്രതിഷേധാർഹമാണെന്ന് കർഷക കോൺഗ്രസ്‌ ജില്ലാ പ്രസിഡന്റും ബളാൽ പഞ്ചായത്ത്‌ പ്രസിഡന്റുമായ രാജു കട്ടക്കയം പറഞ്ഞു.
കോൺഗ്രസ്‌ യൂണിറ്റ് കമ്മിറ്റികളായ കസബ യൂണിറ്റ്, ചൈത്രവാഹിനി യൂണിറ്റ്, കെ കെ നഗർ യൂണിറ്റുകളും കെ എസ് ഈ ബി യുടെ ഈ അവഗണന അവസാനിപ്പിക്കണം എന്ന് ആവശ്യപ്പെട്ടു. പഞ്ചായത്ത്‌ അംഗം പി സി രഘു നാഥൻ,കോൺഗ്രസ്‌ ബളാൽ മണ്ഡലം വൈസ് പ്രസിഡന്റ്‌ ജെയിൻ തോക്കനാട്ട്, ഡാർലിൻ ജോർജ് കടവൻ, സേവാദൾ സംസ്ഥാന സെക്രട്ടറി സ്കറിയ കാഞമല, കെ കെ നഗർ കോൺഗ്രസ്‌ യൂണിറ്റ് പ്രസിഡന്റ്‌ പ്രദീപ്, രതീഷ് ഒന്നാമൻ, കസബ യൂണിറ്റ് പ്രസിഡന്റ്‌ സിറിൽ സെബാസ്റ്റ്യൻ,സുബിത് ചെമ്പകശേരി, സീത ലക്ഷ്മി, രമ്യ രതീഷ് എന്നിവർ സംസാരിച്ചു.