ലോക്ക്ഡൗണ്‍ ഡ്യൂട്ടിക്കിടെ പൊലീസിനെ കുത്തി, പെട്രോളൊഴിച്ച്‌ തീ കൊളുത്തി കൊല്ലാന്‍ ശ്രമം; അറസ്റ്റ്
ലോക്ക്ഡൗണ്‍ ഡ്യൂട്ടിക്കിടെ പൊലീസിനെ കുത്തി, പെട്രോളൊഴിച്ച്‌ തീ കൊളുത്തി കൊല്ലാന്‍ ശ്രമം; അറസ്റ്റ്
മുംബൈ: ലോക്ക്ഡൗണ്‍ ഡ്യൂട്ടിയിലുണ്ടായിരുന്ന പൊലീസുകാരന് നേരെ വധ ശ്രമം. പൊലീസുകാരനെ കുത്തിപ്പരുക്കേല്‍പ്പിച്ച്‌ തീ കൊളുത്താനായിരുന്നു ശ്രമം. മഹാരാഷ്ട്രയിലെ സൊലാപൂരിലാണ് സംഭവം. കേസില്‍ 45കാരനായ അര്‍ജുന്‍ സിങ് യാദവെന്നയാളെ പൊലീസ് അറസ്റ്റ് ചെയ്തു.
ചൊവ്വാഴ്ച രാത്രിയാണ് പൊലീസിന് നേരെ ആക്രമണം ഉണ്ടായത്. വഴിയരികില്‍ കൂടി നിന്ന ജനങ്ങളോട് വീട്ടില്‍ പോകണമെന്ന് അഭ്യര്‍ത്ഥിക്കുകയായിരുന്നു പൊലീസുകാരന്. ഈ സമയത്ത് കാറിലെത്തിയ അര്‍ജുന്‍ സിങ് പൊലീസുകാരനെ അസഭ്യം പറയുകയും സഹോദരന്റെ ഹോട്ടലില്‍ പരിശോധന നടത്തിയതിനെ ചൊല്ലി തര്‍ക്കിക്കുകയും ചെയ്തു.
പൊലീസുകാരനില്‍ നിന്ന് ഫോണ്‍ തട്ടിപ്പറിച്ച്‌ വലിച്ചെറിഞ്ഞ ഇയാള്‍ കോണ്‍സ്റ്റബിളിനെ മുറിവേല്‍പ്പിച്ചു. ബ്ലേഡ് കൊണ്ട് ഇയാള്‍ പൊലീസുകാരന്റെ മുഖത്തും കൈയിലും മുറിവാക്കി. കാറില്‍ കരുതിയ പെട്രോള്‍ ഒഴിക്കുകയും ചെയ്തു. തീ കൊളുത്താന്‍ ശ്രമിക്കുന്നതിനിടെ നാട്ടുകാര്‍ യുവാവിനെ കീഴ്‌പ്പെടുത്തി പൊലീസിനു കൈമാറുകയായിരുന്നു.