ലോക് ഡൗൺ ലംഘിച്ച് കർണാടകത്തിൽ നിന്നും ബർണ്ണാണി വഴി ഇന്ന് രാവിലെ വനത്തിലൂടെ എത്തിയ 2 പേർ പോലീസ് പിടിയിലായി

ലോക് ഡൗൺ ലംഘിച്ച് കർണാടകത്തിൽ നിന്നും ബർണ്ണാണി വഴി ഇന്ന് രാവിലെ വനത്തിലൂടെ എത്തിയ 2 പേർ പോലീസ് പിടിയിലായി

ലോക് ഡൗൺ ലംഘനം: ആറളത്തും പിടി വീണു. കർണാടകത്തിൽ നിന്നും ബർണ്ണാണി വഴി വനത്തിലൂടെ നടന്ന് വന്ന രണ്ട് പേരാണ് ഇന്ന് പുലർച്ചെ  5 മണിക്ക് വീർപ്പാട് എന്ന സ്ഥലത്ത് വെച്ച് പോലീസിന്റെ പിടിയിലായത്.കർണ്ണാടക സംസ്ഥാനത്തിൽ മാണ്ഡ്യയിൽ പണിക്ക് പോയി തിരിച്ച് വരുകയായിരുന്ന ചാവശ്ശേരിപ്പറമ്പ് കോളനിയിലെ മാധവൻ, എടക്കാനം കോളനിയിലെ എം.കെ.ബിജു എന്നിവരാണ് പിടിയിലായത്. ഒന്നര മാസത്തോളം കർണ്ണാടകത്തിൽ കുരുമുളക് പറിക്കുന്ന പണിയിലായിരുന്നു ഇവർ ലോക് ഡൗണിന് ശേഷം ഭക്ഷണവും വെള്ളവും കിട്ടാത്ത സാഹചര്യത്തിൽ ദിവസങ്ങളോളം വനത്തിലൂടെ നടന്നാണ് ഇവർ ആറളം പഞ്ചായത്തിലെ വീർപ്പാട് ഗ്രാമത്തിൽ എത്തിയത്. കണ്ണൂർ ജില്ലയിൽ ലോക് ഡൗൺ കർശനമാക്കിയ സാഹചര്യത്തിൽ പോലീസ് പട്രോളിംഗിനിടെ വെളുപ്പ് 5 മണിക്ക് ഇവർ പിടിയിലാകുകയായിരുന്നു.ആറളം പോലീസ് ഇൻസ്പക്ട്ടർ സുധീർ കല്ലൻ എ.എസ് ഐ അബ്ദുൾ നാസർ, സി.പി.ഒ. ഷൈബിൻ തുടങ്ങിയവരാണ് പട്രോളിംഗ് സംഘത്തിലുണ്ടായിരുന്നത്. പിടികൂടിയവരെ കണ്ണൂർ താണയിലുള്ള നിരീക്ഷണ കേന്ദ്രത്തിലേക്ക് ( പ്രീ – മെട്രിക്ക് ഹോസ്റ്റൽ താണ )മാറ്റി.