പൊൻകുന്നം പുതിയകാവ്‌ ദേവീക്ഷേത്രം- PONKUNNUM PUTHIYAKAV DEVI TEMPLE KOTTAYAM

ചെമ്പകശ്ശേരി രാജസ്ഥാനം, വഞ്ഞിപ്പുഴ മഠം എന്നിവയ്‌ക്ക്‌ സ്ഥലസംബന്ധമായും ക്ഷേത്ര സംബന്ധമായും ഉള്ള പൂർവബന്ധങ്ങൾ ഈ ക്ഷേത്രത്തോടുണ്ട്‌.പുതിയകാവ് ക്ഷേത്രത്തിന്റെ ഉടമസ്ഥാവകാശം കുമരകത്തുള്ള എല്ലാ നായന്മാർക്കും ഉണ്ടായി രുന്നു.ഇടക്കാലത്തെന്നോ കാവനാൽ പണിക്കരിലേക്കെത്തിച്ചേർന്ന ഉടമസ്ഥാവകാശം പിന്നീട്‌ പൂഴിക്കുന്നേൽ കുടുംബ ത്തിലേക്കും കാലാന്തരത്തിൽ 679-ാം നമ്പർ ചിറക്കടവ്‌ വടക്കുംഭാഗം എൻ.എസ്‌.എസ്‌. കരയോഗത്തിലേക്കും വന്നുചേർന്നു. 1116 വൃശ്ചികമാസം 24ന്‌ ക്ഷേത്രം സ്ഥിതി ചെയ്‌തിരുന്ന സ്ഥലം എൻ.എസ്‌.എസ്‌.യൂണിയന്റ ഉടമസ്ഥതയിൽ വന്നുചേർന്നു. ഇന്ന് തിരുവിതാംകൂറ് ദേവസ്വത്തിന്റെ കീഴിലാണീ അമ്പലം.എരുമേലി മറ്റക്കാട്ട്‌ രാമകൃഷ്‌ണപ്പണിക്കർ സ്വന്തം ചെലവിൽ എത്തിച്ചുതന്ന വിഗ്രഹമാണ്‌ ഇപ്പോൾ പ്രതിഷ്‌ഠിച്ചിട്ടുള്ളത്‌.

പ്രതിഷ്ഠ

ഭദ്രകാളിയാണ്‌ പ്രധാന പ്രതിഷ്ഠ. നാല്‌ തൃക്കൈകളിൽ പാശം, അങ്കുശം, കപാലം, തൃശൂലം എന്നീ ദിവ്യായുധനങ്ങൾ ധരിച്ചവളും മുണ്ഡമാല, രക്താംബരം, ചന്ദ്രക്കല, തൃക്കണ്ണ്‌ എന്നിവകളോടുകൂടിയവളുമായാണ്‌ സങ്കല്പം

മറ്റു പ്രതിഷ്ഠകൾ

ശാസ്‌താവ്‌, സർപ്പദൈവങ്ങൾ, യക്ഷിയമ്മ, ബ്രഹ്മരക്ഷസ്‌, ഗണപതി.

പ്രധാനവഴിപാടുകൾ

ചുറ്റുവിളക്ക്‌, മുഴുക്കാപ്പ്‌, നെയ്‌വിളക്ക്‌, അന്നദാനം

ഉത്സവം

എല്ലാവർഷവും കുംഭഭരണിദിനവും തൊട്ടുമുമ്പുള്ള അഞ്ചുദിവസങ്ങളും ഉത്സവദിനങ്ങളായി ആഘോഷിക്കുന്നു. ഒന്നാം ഉത്സവം എൻ.എസ്‌.എസ്‌.കരയോഗമാണ്‌ നടത്തുന്നത്‌. കുംഭഭരണി ദിനത്തിൽ ഉച്ചയോടുകൂടി ആരംഭിക്കുന്ന കുംഭകുടഘോഷയാത്രയും നൃത്തവും അഭിഷേകവും വളരെയേറെ പ്രസിദ്ധമാണ്‌. മഞ്ഞപ്പള്ളിക്കുന്ന്‌, കോയിപ്പള്ളി, മൂലകുന്ന്‌, അട്ടിക്കവല, തോണി പ്പാറ, ഇടത്തംപറമ്പ്‌ തുടങ്ങിയ കരകളിൽ നിന്ന്‌ നൂറുകണക്കിന്‌ കുംഭകുടങ്ങൾ നെറ്റിപ്പട്ടം കെട്ടി യ ഗജവീരന്മാരുടെയും താളമേളങ്ങളുടെയും അകമ്പടിയോടുകൂടി സന്നിധിയിലെത്തി പര്യവ സാനിക്കും. ചിറക്കടവ്‌ ശ്രീമഹാദേവ ക്ഷേത്രത്തോടനുബന്ധിച്ചുള്ള ചിറയിലാണ്‌ ആറാട്ട്‌ നടക്കു ന്നത്‌. മീനഭരണി മഹോത്സവം ഇവിടുത്തെ മറ്റൊരു പ്രത്യേകതയാണ്‌ പൂർവ്വാചാര പ്രകാരം നടത്തിവരുന്ന കലംകരിക്കൽ, പുതുക്കല നിവേദ്യം വഴിപാട്‌ പൊങ്കാലയായി പരിണമി ച്ചിട്ടുണ്ട്‌. പൊങ്കാലയ്‌ക്കുശേഷമുള്ള മഹാപ്രസാദമൂട്ടിന്‌ ആയിരക്കണക്കായ ഭക്തജനങ്ങൾ എത്തിച്ചേരുന്നു. പത്താമുദയ മഹോത്സവവും രാമായണമാസാചരണവും ഭക്തിനിർഭരമായും വിശേഷാൽ വഴിപാടുകളോടും കൂടി ആചരിച്ചുവരുന്നു.

ഈ ക്ഷേത്രത്തിന്റെ തന്ത്രി കുരുപ്പക്കാട്ടുമനയ്‌ക്കൽ പുരുഷോത്തമൻ നമ്പൂതിരിയാണ്‌.

Address: behind Bus Stand, Ponkunnam, Kerala 686506