പൗരത്വനിയമത്തിനെതിരേ കവിത: കന്നഡ കവിയും മാധ്യമപ്രവര്‍ത്തകനും അറസ്റ്റില്‍
ബംഗളുരു: പൗരത്വനിയമത്തിനെതിരായ കവിതയുടെ പേരില്‍ കര്‍ണാടകയില്‍ കവിയും മാധ്യമപ്രവര്‍ത്തകനും അറസ്റ്റില്‍. പൊതുപരിപാടിക്കിടെ കവിത ചൊല്ലിയ കവി സിറാജ് ബിസാരള്ളിയും ഇതു സമൂഹമാധ്യമങ്ങളില്‍ പ്രചരിപ്പിച്ച കന്നഡനെറ്റ് ഡോട്ട് കോം എഡിറ്റര്‍ എച്ച്‌.വി. രാജബക്ഷിയുമാണ് അറസ്റ്റിലായത്.
ദക്ഷിണ കന്നഡയിലെ കൊപ്പല്‍ ജില്ലയിലാണു സംഭവം. ന്ധനിന്ന ദഖലെ യാവഗ നീഡുട്ടീ? (നിങ്ങളുടെ രേഖകള്‍ എപ്പോഴാണു നല്‍കുക?)’ എന്ന സ്വന്തം കവിത കഴിഞ്ഞമാസം ഒന്പതിനു നടന്ന അനെഗുണ്ടി ഉത്സവ എന്ന സംസ്കാരിക ഉത്സവത്തില്‍ സിരാജ് ബിസാരള്ളി ചൊല്ലിയിരുന്നു. ഇതിന്‍റെ വീഡിയോ രാജബക്ഷി സമൂഹമാധ്യമങ്ങളില്‍ പങ്കുവച്ചു. ഇതാണ് അറസ്റ്റിനു വഴിവച്ചത്.
യുവമോര്‍ച്ച ജില്ലാ സെക്രട്ടറി ശിവു അരാകേരി ഗംഗാവതി റൂറല്‍ പോലീസ് സ്റ്റേഷനില്‍ നല്‍കിയ പരാതിയുടെ അടിസ്ഥാനത്തിലാണ് അറസ്റ്റ്. ബിസാരള്ളിയും രാജബക്ഷിയും ജില്ലാ കോടതിയില്‍ കീഴടങ്ങുകയായിരുന്നു. ഇവരെ കോടതി പോലീസ് കസ്റ്റഡിയില്‍ വിട്ടു.