കുട്ടനാട്ടില്‍ എസ്‌എന്‍ഡിപി വിമതര്‍ക്ക് സ്ഥാനാര്ഥി; സെന്‍കുമാര്‍ മത്സരിക്കും
ആലപ്പുഴ: കുട്ടനാട് ഉപതെരഞ്ഞെടുപ്പില്‍ വിമത നീക്കം ശക്തമാക്കി സുഭാഷ് വാസു. മുന്‍ ഡിജിപി ടി.പി. സെന്‍കുമാര്‍ സുഭാഷ് വാസു വിഭാഗത്തിന്‍റെ സ്ഥാനാര്ഥി ആയേക്കുമെന്നാണ് റിപ്പോര്‍ട്ട്. ചൊവ്വാഴ്ച വൈകീട്ട് നാലിന് കുട്ടനാട്ടില്‍ വച്ചാണ് പ്രഖ്യാപനം. എന്നാല്‍, മത്സരത്തിനില്ലെന്ന് സെന്‍കുമാര്‍ അറിയിച്ചാല്‍ സുഭാഷ് വാസു തന്നെ സ്ഥാനാര്‍ഥിയാകും. കഴിഞ്ഞ നിയമസഭാ തെരഞ്ഞെടുപ്പില്‍ ബിഡിജെഎസ് സ്ഥാനാര്‍ഥിയായിരുന്ന സുഭാഷ് വാസു 33,000- ത്തിലധികം വോട്ടുകള്‍ നേടിയിരുന്നു. സെന്‍കുമാറിനെ സ്ഥാനാര്‍ഥിയാക്കുന്നത് ആര്‍എസ്‌എസ് നേതൃത്വത്തിന്‍റെ പിന്തുണയിലാണെന്ന് സുഭാഷ് വാസു വിഭാഗം അവകാശപ്പെടുന്നു. ബിജെപി നേതൃത്വത്തിന്‍റെ പിന്തുണയോടെ ശക്തനായ സ്ഥാനാര്‍ഥിയെ ബിഡിജെഎസ് മത്സരിപ്പിക്കുമെന്ന് ഔദ്യേോഗിക വിഭാഗവും നേരത്തെ പ്രതികരിച്ചിരുന്നു.