കൊളംബോ: ശ്രീലങ്കന്‍ പ്രസിഡന്‍റ് ഗോതാബയ രാജപക്സെ പാര്‍ലമെന്‍റ് പിരിച്ചുവിട്ടു. പാര്‍ലമെന്‍റിന് ആറു മാസം കൂടി കാലവധിശേഷിക്കെയാണ് നടപടി. ഏപ്രില്‍ 25ന് രാജ്യത്ത് പ്രസിഡന്‍റ് തെരഞ്ഞെടുപ്പും പ്രഖ്യാപിച്ചു.
2015 സെപ്റ്റംബര്‍ ഒന്നിനാണ് നിലവിലെ പാര്‍ലമെന്‍റ് സത്യപ്രതിജ്ഞ ചെയ്തത്. പാര്‍ലമെന്‍റ് പിരിച്ചുവിടാനുള്ള ഏറ്റവും ചുരുങ്ങിയ കാലയളവായ നാലരവര്‍ഷം ഞായറാഴ്ച അര്‍ധരാത്രി പൂര്‍ത്തിയായ സാഹചര്യത്തിലാണ് പ്രസിഡന്‍റിന്‍റെ നടപടി. കഴിഞ്ഞ ഡിസംബറില്‍ ഗോതാബയ തന്‍റെ സഹോദരനായ മഹിന്ദ രാജപക്സെയെ കാവല്‍മന്ത്രിസഭയുടെ പ്രധാനമന്ത്രിയായി നിയമിച്ചിരുന്നു. മാര്‍ച്ച്‌ 12 മുതല്‍ 19 വരെ സ്ഥാനാര്‍ഥികള്‍ക്ക് പത്രിക സമര്‍പ്പിക്കാം. 225 അംഗ പാര്‍ലമെന്‍റില്‍ മഹിന്ദ രാജപക്സെ അധികാരം പിടിക്കുമെന്നാണ് സൂചനകള്‍. മേയ് 14-ന് പുതിയ പാര്‍ലമെന്‍റ് ആദ്യയോഗം ചേരും.