ന​ഗ​ര​മ​ധ്യ​ത്തി​ൽ മ​ദ്യ​പി​ച്ച്​ യുവാവിന്‍റെ പരാക്രമം; എസ്.ഐ ഉൾപ്പെടെ നാലു പൊലീസുകാർക്ക് പരിക്ക്​

കാ​സ​ർ​കോ​ട്: ന​ഗ​ര​മ​ധ്യ​ത്തി​ൽ പൊ​ലീ​സി​നു​നേ​രെ യു​വാ​വി‍െൻറ പ​രാ​ക്ര​മം. മ​ദ്യ​പി​ച്ച്​ ബ​ഹ​ള​മു​ണ്ടാ​ക്കി​യ ബോ​വി​ക്കാ​നം അ​ലൂ​ർ സ്വ​ദേ​ശി​യാ​യ മു​ന്ന എ​ന്ന മു​നീ​റാ​ണ്​ പൊ​ലീ​സി​നെ ആ​ക്ര​മി​ച്ച​ത്. സം​ഭ​വ​ത്തി​ൽ എ​സ്.​​ഐ ഉ​ൾ​പ്പെ​ടെ നാ​ല്​ പൊ​ലീ​സു​കാ​ർ​ക്ക്​ പ​രി​ക്കേ​റ്റു. ഒ​​ട്ടേ​റെ ക്രി​മി​ന​ൽ കേ​സു​ക​ളി​ൽ പ്ര​തി​യാ​യ ഇ​യാ​ളെ ഏ​റെ പ​ണി​പ്പെ​ട്ടാ​ണ്​ പൊ​ലീ​സ്​ കീ​ഴ​ട​ക്കി​യ​ത്.

തി​ങ്ക​ളാ​ഴ്​​ച വൈ​കീ​ട്ട്​ ആ​റോ​ടെ അ​ണ​ങ്കൂ​രി​ലെ ബാ​ർ ഹോ​ട്ട​ലി​ന് മു​ൻ​വ​ശ​മാ​ണ് സം​ഭ​വം. മ​ദ്യ​പി​ച്ച്​ ബ​ഹ​ള​മു​ണ്ടാ​ക്കി​യ​ത്​ നേ​രി​ടാ​ൻ ര​ണ്ട്​ പൊ​ലീ​സു​കാ​രാ​ണ്​ ആ​ദ്യ​മെ​ത്തി​യ​ത്. ഇ​വ​ർ​ക്കു​നേ​രെ പ്ര​തി ആ​​ക്ര​മ​ണം ന​ട​ത്തി​യ​ത​റി​ഞ്ഞ്​ ടൗ​ൺ എ​സ്.​ഐ വി​ഷ്ണു​പ്ര​സാ​ദ് അ​ട​ക്കം കൂ​ടു​ത​ൽ പൊ​ലീ​സു​കാ​ർ സ്ഥ​ല​ത്തെ​ത്തി. അ​ക്ര​മാ​സ​ക്ത​നാ​യ മു​ന്ന ബാ​ർ ഹോ​ട്ട​ലി​ന് സ​മീ​പം പാ​ർ​ക്ക് ചെ​യ്തി​രു​ന്ന കാ​റും ആ​ക്ര​മി​ച്ചു.

പി​ടി​വ​ലി​ക്കി​ടെ നെ​റ്റി​ക്കും ക​ഴു​ത്തി​നും പ​രി​ക്കേ​റ്റ എ​സ്.​​ഐ വി​ഷ്ണു​പ്ര​സാ​ദ്, സീ​നി​യ​ർ സി.​പി.​ഒ​മാ​രാ​യ ബാ​ബു​രാ​ജ്, സ​ജി​ത്ത്, സ​നീ​ഷ്​ എ​ന്നി​വ​രെ കാ​സ​ർ​കോ​ട്​ ജ​ന​റ​ൽ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. 10 ക്രി​മി​ന​ൽ കേ​സു​ക​ളി​ൽ പ്ര​തി​യാ​ണ് മു​ന്ന​യെ​ന്ന് പൊ​ലീ​സ് പ​റ​ഞ്ഞു. പൊ​ലീ​സി​നെ ആ​ക്ര​മി​ച്ച​തി​നും ഔ​ദ്യോ​ഗി​ക കൃ​ത്യ​നി​ർ​വ​ഹ​ണം ത​ട​സ്സ​പ്പെ​ടു​ത്തി​യ​തി​നും പ്ര​തി​ക്കെ​തി​രെ കൂ​ടു​ത​ൽ വ​കു​പ്പു​ക​ൾ ചു​മ​ത്തി​യ​താ​യി പൊ​ലീ​സ്​ അ​റി​യി​ച്ചു