രാ​ജ്യ​ത്ത് കോ​വി​ഡ് രോ​ഗി​ക​ളു​ടെ എ​ണ്ണം 172; യാ​ത്ര​ക്കാ​രി​ല്ലാ​ത്ത​തി​നാ​ല്‍ ട്രെ​യി​നു​ക​ള്‍ റ​ദ്ദാ​ക്കി

ന്യൂ​ഡ​ല്‍​ഹി: രാ​ജ്യ​ത്ത് കൊ​റോ​ണ വൈ​റ​സ് (കോ​വി​ഡ്-19) ബാ​ധി​ത​രു​ടെ എ​ണ്ണം വ​ര്‍​ധി​ക്കു​ന്നു. മ​ഹാ​രാ​ഷ്ട്ര​യി​ല്‍ ര​ണ്ടു പേ​ര്‍​ക്കു കൂ​ടി രോ​ഗം സ്ഥി​രീ​ക​രി​ച്ച​തോ​ടെ രാ​ജ്യ​ത്തെ കോ​വി​ഡ് രോ​ഗി​ക​ളു​ടെ എ​ണ്ണം 172 ആ​യി ഉ​യ​ര്‍​ന്നു. രോ​ഗ​ബാ​ധി​ത​രി​ല്‍ 32 പേ​ര്‍ വി​ദേ​ശി​ക​ളാ​ണ്.

മ​ഹാ​രാ​ഷ്ട്ര​യി​ല്‍ യു​കെ​യി​ല്‍ നി​ന്നെ​ത്തി​യ 22കാ​രി​ക്കും ദു​ബാ​യി​ല്‍ നി​ന്നെ​ത്തി​യ 49 കാ​രി​ക്കു​മാ​ണ് രോ​ഗം സ്ഥി​രീ​ക​രി​ച്ച​ത്. ച​ണ്ഡീ​ഗ​ഢി​ലും ആ​ദ്യ കൊ​റോ​ണ പോ​സി​റ്റീ​വ് കേ​സ് ഇ​ന്ന് റി​പ്പോ​ര്‍​ട്ട് ചെ​യ്തി​രു​ന്നു. ബ്രി​ട്ട​നി​ല്‍ നി​ന്ന് തി​രി​ച്ചെ​ത്തി​യ 23 വ​യ​സു​കാ​രി​ക്കാ​ണ് ബു​ധ​നാ​ഴ്ച രാ​ത്രി​യോ​ടെ രോ​ഗം സ്ഥി​രീ​ക​രി​ച്ച​ത്. രാ​ജ്യ​ത്ത് 18 സം​സ്ഥാ​ന​ങ്ങ​ളി​ല്‍ കൊ​റോ​ണ വൈ​റ​സ് ബാ​ധ സ്ഥി​രീ​ക​രി​ച്ചി​ട്ടു​ണ്ട്. ഏ​റ്റ​വു​മ​ധി​കം പേ​ര്‍​ക്ക് രോ​ഗം സ്ഥി​രീ​ക​രി​ച്ച​ത് മ​ഹാ​രാ​ഷ്ട്ര​യി​ലാ​ണ്. മൂ​ന്നു വി​ദേ​ശി​ക​ള​ട​ക്കം 47 പേ​ര്‍​ക്കാ​ണ് ഇ​വി​ടെ രോ​ഗം സ്ഥി​രീ​ക​രി​ച്ച​ത്. ര​ണ്ടാ​മ​തു​ള്ള കേ​ര​ള​ത്തി​ല്‍ പു​തി​യ കേ​സു​ക​ളൊ​ന്നും ര​ണ്ടു​ദി​വ​സ​മാ​യി റി​പ്പോ​ര്‍​ട്ട് ചെ​യ്തി​ട്ടി​ല്ല. ഹ​രി​യാ​ന​യി​ല്‍ 14 വി​ദേ​ശി​ക​ള്‍​ക്കും രോ​ഗം ക​ണ്ടെ​ത്തി​യി​ട്ടു​ണ്ട്.

അ​തേ​സ​മ​യം, കൊ​റോ​ണ വൈ​റ​സ് ബാ​ധ​യു​ടെ പ​ശ്ചാ​ത്ത​ല​ത്തി​ല്‍ യാ​ത്ര​ക്കാ​രു​ടെ കു​റ​ഞ്ഞ​തി​നാ​ല്‍ രാ​ജ്യ​ത്ത് ഇ​ന്നും ട്രെ​യി​നു​ക​ള്‍ റ​ദ്ദാ​ക്കി. 168 ട്രെ​യി​നു​ക​ളാ​ണ് ഇ​ന്ന് റ​ദ്ദാ​ക്കി​യ​ത്. മാ​ര്‍​ച്ച്‌ 20 മു​ത​ല്‍ 31 വ​രെ​യു​ള്ള കാ​ല​യ​വ​ളി​ല്‍ സ​ര്‍​വീ​സ് ന​ട​ത്താ​നി​രു​ന്ന ട്രെ​യി​നു​ക​ളാ​ണ് ഇ​തെ​ന്ന് ഇ​ന്ത്യ​ന്‍ റെ​യി​ല്‍​വേ അ​റി​യി​ച്ചു.

റെ​യി​ല്‍​വേ സ്റ്റേ​ഷ​നി​ലെ തി​ര​ക്ക് കു​റ​യ്ക്കാ​ന്‍ വെ​സ്റ്റേ​ണ്‍ റെ​യി​ല്‍​വേ​യും സെ​ന്‍​ട്ര​ല്‍ റെ​യി​ല്‍​വേ​യും ക​ഴി​ഞ്ഞ​ദി​വ​സം പ്ലാ​റ്റ് ഫോം ​ടി​ക്ക​റ്റി​ന് 50 രൂ​പ​യാ​ക്കി​യി​രു​ന്നു.